![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Pa u fashitur ende tronditja për vrasjen e punëtorit të kondicionerit Indrit Çelaj në Tiranë, nga djemtë e pronarit të vilës ku ai po punonte, një tjeter ngjarje e ngjashme ndodhi në kryeqytet. Në rrugën “Myslym Keta” në katin e parë të një pallati u plagos me mjete të forta punëtori që po suvatonte një banesën. Autor I krimit është pronari I apartamentit
44-vjeçari Stefan Agolli, me precedent penal , i dënuar më parë për vjedhje në autobuset urbanë , kishte pak javë që ishte kthyer nga Greqia ku kishte punuar dhe tani po kryente rikonstruksionin e tualetit të banesës. 51-vjeçari Dashamir Lecini kishte marrë përsipër suvatimin e tualetit dhe shtrimin e tij me pllaka. Mbrëmjen e së premtes mes pronarit dhe punëtorit nisi një konflikt fizik pasi pronari kishte pakënaqësi për ritmin e punimeve si edhe cilësinë e tyre. Në konflikt e sipër pronari I baneses e qëlloi në shpinë me mjetet e punës 51 vjeçarin Dashamir Lecini teksa ky I fundit ishte duke punuar. Kanë qenë fqinjët ata që kanë parë 51 vjeçarin të dalë i gjakosur nga banesa dhe kanë njoftuar policinë, e cila arrestoi në flagrancë autorin. Stefan Agolli akuzohet për veprën penale “plagosje e rëndë me dashje”. I plagosuri u transportua në spitalin e traumës jashtë rrezikut për jetën.